STATE HOUSE ZANZIBAR
OFFICE OF THE PRESS SECRETARY
PRESS RELEASE
Zanzibar
TAARIFA KWA VYOMBO VYA HABARI
Rais wa Zanzibar na Mwenyekiti wa Baraza la Mapinduzi Dk. Ali Mohamed Shein anatarajiwa kuwasili kisiwani Pemba kesho kwa ziara ya siku mbili.
Akiwa kisiwani humu Dk. Shein atazindua mradi wa barabara za vijiji katika mkoa wa Kaskazini Pemba zilizojengwa kwa msaada wa Serikali ya Marekani kupitia Mfuko wa Changamoto za Milenia –MCC.
Barabara hizo zenye urefu wa kilomita 35 ni barabara ya Kangagani (kilomita 2.7), barabara ya Kojani (kilomita 1.9), barabara ya Pandani (kilomita 7.9), barabara ya Mapofu (kilomita 8.7) na barabara ya Daya iliyo na sehemu mbili moja kutoka Bahanasa hadi Daya (kilomita 6.7) na sehemu nyingine kutoka Makongeni kupitia Daya hadi Mtambwe yenye urefu wa kilomita 7.1.
Uzinduzi huo utafanyika katika kijiji cha Daya Mtambwe ambapo mara baada ya uzinduzi Dk. Shein azitembelea barabara hizo na baadae kuzungumza na wananchi wa Pemba katika mkutano wa hadhara utakaofanyika katika katika kiwanja cha michezo cha Gombani kilichoko nje kidogo ya mji Chakechake.
Keshokutwa Jumapili Rais wa Zanzibar na Mwenyekiti wa Baraza la Mapinduzi Dk. Ali Mohamed Shein anatarajiwa kuzindua pia huduma za umeme katika kijiji cha Ukunjwi wilaya ya Wete Mkoa wa Kaskazini Pemba.
Postal Address: 2422 Tel.+255 776 613 015, Fax: 024 2231822