Mwamuzi wa soka Makame Haji Mpoma akimkabidhi mpira mshambuliaji wa Red Fighter Adam Amuyo raia wa Nigeria baada ya kuifungia klabu yake mabao 4 kati ya 5-2 waliyoshinda dhidi ya Tandale kwenye michuano ya Kipwida Cup inayoendelea huko Maungani.
MICHUANO ya kuwania Ng'ombe mnyama mwenye thamani ya shilingi laki saba za Kitanzania maarufu kama KIPWIDA CUP inazidi kuchanja mbuga huko Maungani huku makamu bingwa wa michuano hiyo klabu ya Miembeni mwaka huu ikionekana kama haina zari.
Klabu hiyo ambayo msimu uliopita ilizoa mashabiki wengi kiwanjani hapo safari hii imeonekana kuwa mboga kufuatia kupoteza michezo yake miwili ambayo imeshacheza ndani ya kundi A ilikopangwa.
Mbali ya kuwa na wachezaji wenye sifa nyingi kama vile mfungaji bora wa ligi kuu ya soka Zanzibar msimu wa 2012/2013 Juma Moh'd Philipo sambamba na mfungaji bora wa ligi hiyo msimu ulioisha hivi karibuni Amour Omar Janja lakini bado mastaa hao hawajaonyesha cheche zao kwenye michuano hiyo inayovutia mashabiki wengi kila ifikapo jioni.
Hadi sasa msimamo wa ligi hiyo inayoendelea kwa upande wa vilabu vya Kundi A na B ambavyo vimeshamaliza mzunguko wa pili uko kama ifuatavyo:
MSIMAMO MICHUANO YA KIPWIDA CUP- 2014
KUNDI: A
| POS | TIMU | PLY | W | D | L | GF | GA | GD | PTS |
1 | Emirates FC | 2 | 2 | - | - | 8 | 1 | 7 | 6 |
2 | Nyangobo SP | 2 | 2 | - | - | 4 | 1 | 3 | 6 |
3 | Njaa Kali FC | 2 | 1 | - | 1 | 2 | 2 | - | 3 |
4 | Kinondoni FC | 2 | 1 | - | 1 | 3 | 4 | -1 | 3 |
5 | Mimebeni FC | 2 | - | - | 2 | 1 | 4 | -3 | - |
6 | ZASWA FC | 2 | - | - | 2 | 1 | 7 | -6 | - |
KUNDI: B | |||||||||
1 | Mchawi hana rangi | 2 | 1 | 1 | - | 3 | - | 3 | 4 |
2 | Theo | 2 | 1 | 1 | - | 3 | 1 | 2 | 4 |
3 | Walalahoi | 2 | 1 | 1 | - | 3 | 1 | 2 | 4 |
4 | Red Fighter | 2 | 1 | - | 1 | 5 | 4 | 1 | 3 |
5 | Tandale | 2 | - | 1 | 1 | 2 | 5 | -3 | 1 |
6 | Kilimani City | 2 | - | - | 2 | - | 5 | -5 | - |