Kocha mkuu wa timu ya Turky inayoshiriki ligi daraja la pili wilaya ya mjini Mohammed Seif 'King' mwenye kapelo akiwa na viongozi wenzake wakifuatilia kwa makini pambano kati ya TRA na Pangani. Mchezo huo ulimazikia kwa TRA kutoka na ushindi wa mabao 2 - 1 dhidi ya Pangani.
Na Ali Cheupe
Kamati inayosimamia michuano ya ligi ya Ng'ombe maarufu kama Kipwida Cup inayoendelea huko Maungani leo hii imemfungia mlinda mlango wa klabu ya Top Life inayoshiriki michuano hiyo Ramadhan Hamad kutokana na kitendo cha utovu wa nidhamu alichofanya kipa huyo.
Kwa mujibu wa taarifa za kamati hiyo mlinda mlango huyo alionekana akimpiga ngumi kwa makusudi mchezaji wa timu pinzani kitendo ambacho kimeifanya kamati hiyo kumfungia mechi zote zilizobakia kwenye michuano hiyo.
kama hiyo haitoshi kamati ya Kipwida pia imemfungia mchezaji Sudi Hamadi wa klabu hiyo kutoshuka dimbani mchezo mmoja kutokana na kitendo cha kumtishia ngumi mchezaji wa timu pinzani.
Kwa upande mwengine klabu ya Nyangobo imetozwa faini ya shilingi hamsini elfu (50,000/) kutokana na kitendo cha kumchezesha mchezaji Khamis Ali Ussi akiwa na jezi tafauti na wenzake kwenye pambano kati yake na Zaswa Fc.
Michuano hiyo ya Kipwida Cup inaendelea tena leo hii kwa pambano kati ya Juventus na Kisakasaka ikiwa ni pambano la kukamilisha mzunguko wa pili kwa upande wa kundi C.