Na Rajab Mkasaba, Ikulu
RAIS wa Zanzibar na Mwenyekiti wa Baraza la Mapinduzi, Mhe. Dk. Ali Mohamed Shein, amewaapisha Mawaziri na Naibu Waziri walioteuliwa juzi.
Waliopishwa ni Waziri wa Kilimo na Maliasili, Mhe. Dk. Sira Ubwa Mamboya, Waziri wa Miundombinu na Mawasiliano, Mhe. Juma Duni Haji na Mhe. Rashid Seif Suleiman anaekuwa
Waziri wa Afya.
Wengine walioapishwa katika hafla hiyo ni Mhe. Mahmoud Thabit Kombo kuwa Naibu Waziri wa Afya, Meja Mstaafu Juma Kassim Tindwa kuwa Mkuu wa Mkoa wa Kaskazini Unguja na Mhe. Omar Khamis Othman kuwa Mkuu wa Mkoa wa Kaskazini Pemba.
Wengine ni Mhe. Mwanajuma Majid Abdulla kuwa Mkuu wa Mkoa wa Kusini Pemba, Mhe. Ayub Mohamed Mahmoud kuwa Mkuu wa Wilaya ya Magharibi na Mhe.Hanuna Masoud Ibrahim kuwa Mkuu wa Wilaya ya Chake Chake Pemba.
Hafla hiyo, ilifanyika Ikulu mjini Zanzibar na kuhudhuriwa na viongozi mbali mbali akiwemo Makamu wa Kwanza wa Rais wa Zanzibar, Mhe. Maalim Seif Sharif Hamad, Mkuu wa Mkoa wa Mjini Magharibi Mhe. Abdalla Mwinyi Khamis, Mufti Mkuu wa Zanzibar Sheikh Saleh Omar Kabih, Kadhi Mkuu wa Zanzibar, Sheikh Khamis Haji, Meya wa Manispaa ya Mji wa Zanzibar Khatib Abrahman Khatib,Washauri wa Rais wa Zanzibar na viongozi wengine wa Serikali.
Kabla ya uteuzi huo, Dk. Sira Ubwa Mamboya alikuwa Naibu Waziri wa Wizara ya Afya ambaye hivi sasa anajaza nafasi iliyoachwa wazi na aliyekuwa Waziri wa Wizara hiyo, Mhe. Suleiman Othman Nyanga. Mhe. Juma Duni Haji alikuwa Waziri wa Afya ambaye hivi sasa anajaza nafasi iliyoachwa wazi na aliyekuwa Waziri wa Wizara hiyo Mhe. Rashid Seif Suleiman.
Mhe. Rashid Seif Suleiman alikuwa Waziri wa Miundombinu na Mawasiliano na sasa anajaza nafasi iliyowacha wazi na Waziri wa Wizara hiyo Mhe. Juma Duni Haji.
Meja Mstaafu Kassim Tindwa alikuwa Mkuu wa Mkoa wa Kusini Pemba ambaye kwa hivi sasa anajaza nafasi iliyoachwa wazi na aliyekuwa Mkuu wa Mkoa huo Mhe. Pembe Juma Khamis, Mhe.Mwajuma Majid Abdulla alikuwa Mkuu wa Wilaya ya
Chake Chake Pemba ambaye kwa hivi sasa anajaza nafasi ya aliyekuwa Mkuu wa Mkoa huo Meja Mstaafu Juma Kassim Tindwa.
Mhe. Omar Khamis Othman alikuwa Mkuu wa Wilaya ya Wete ambaye hivi sasa anajaza nafasi iliyowachwa wazi na aliyekuwa Mkuu wa Mkoa huo Mhe. Dadi Faki Dadi, Mhe. Ayoub Mohamed Mahmoud alikuwa Afisa Tawala Mkoa wa Mjini Magharibi ambaye hivi sasa anajaza nafasi iliyowachwa na aliyekuwa Mkuu wa Wilaya hiyo, Mhe. Hassan Mussa Takrima.
Mhe.Hanuna Masoud Ibrahim alikuwa Afisa Tawala Mkoa wa Kusini Pemba ambaye hivi sasa anajaza nafasi ya aliyekuwa Mkuu wa Wilaya hiyo Mhe. Mwanajuma Majid Abdulla.