Mwashamba Juma na Kauthar Abdalla
WATU watatu wamefariki dunia katika matukio tofauti, wakiwemo msichana aliekufa baada ya kunywa sumu ya panya.
WATU watatu wamefariki dunia katika matukio tofauti, wakiwemo msichana aliekufa baada ya kunywa sumu ya panya.
Kamanda wa Polisi Mkoa wa Kusini Unguja, Augustino Ollomi alisema tukio hilo limetokea hilo limetokea Agosti 13 katika kijiji cha Kwambani wilaya ya Kati.
Alisema msichana huyo mwenye umri wa miaka 18, aligombwa na wazazi wake kwa madai kwamba alikutwa na mwanamme na ndio alipokasirika na kuchukua uamuzi.
Alisema msichana huyo alifariki dunia wakati akikimbizwa hospitali.
Katika tukio la pili, Maria Hassan Ali (30) mkazi wa Paje aliuawa kwa kupigwa mapanga kichwani kwa kumpa hifadhi mke wa mtuhumiwa alietajwa kwa jina la Elizabeth Michael Masamba.
Kamanda alimtaja mtuhumiwa wa mauaji huyo kuwa ni Silvesta Robert Masharo (42).
Alisema chanzo cha mauaji hayo ni ugomvi wa kifamilia kati ya mtuhumiwa na mkewe ambao walikuwa wakiweka fedha kwenye kibubu.
Alisema siku ya kuvunjia kibubu hicho, fedha walizokuwa wakichanga hazikuonekana ndipo kila mmoja alipomtuhumu mwenzake kuiba fedha hizo.
Alisema mtuhumiwa alitoa kauli ya kutishia kumuu mkewe kama hatarejesha fedha, ndipo mwanamke huyo alipoamua kwenda kuweka ripoti kituo cha polisi Paje na mtuhumiwa akachukuliwa akawekwa ndani.
Alisema baada ya siku tatu majirani zake wakaenda kumchukulia dhamana na alipotokana alimtafuta mkewe nyumbani lakini hakumkuta ndipo alipomkuta kwa shoga yake amejihifadhi.
Kamanda Ollomi alisema mtuhumiwa ndipo alipochukua uamuzi wa kumshambulia kwa mapanga shoga wa mkewe na kusababisha kifo chake.
Pia alimshambulia vibaya mkewe ambae anaendelea na matibabu katika hospitali kuu ya Mnazimmoja na mtuhumiwa amekimbia.
Alisema tukio la tatu linamuhusu mpanda vespa Ramadhan Sham Ali (21) ambae alikuwa baada ya kuanguka katika mpito wa Mwambuani Muyuni.
Alisema marehemu akiwa na rafiki yake walikuwa wakirejea Mchangamle.