Na Said Abdulrahman, Pemba
WATU sita wamefariki dunia katika matukio mbali mbali za ajali yaliyotokea mkoa wa kaskazini Pemba, kuanzia Januari hadi Juni mwaka huu.
Akizungumza na mwandishi wa habari hizi ofisini kwake, Mkuu wa kitengo cha usalama barabarani mkoani humo, Khalid Ali Gulam, alisema vifo hivyo vilisababishwa na ajali sita ambapo mbili zilitokea wilaya ya Micheweni na nne wilaya ya Wete.
Aidha alisema katika ajali hizo watu 19 walijeruhiwa wakiwemo wanawake wanane.
Alisema katika kipindi hicho polisi walifanya operesheni 10 na kukamata vyombo 132 vikiwa na makosa mbali mbali.