RISALA YA UFUNGUZI WA HOSPITALI YA MAHONDA
TAREHE:03 NOVEMBER 2014
MUDA:4:35-4:40
PAHALI: MAHONDA ZANZIBAR
MHESHIMIWA MGENI RASMI: BALOZI SEIF ALI IDDI, MAKAMU WA PILI WA RAIS WA ZANZIBAR. MABALOZI WADOGO WANAOWAKILISHA NCHI ZOTE HAPA.
MHESHIMIWA WAZIRI.
MHESHIMIWA MKUU WA MKOA WA KASKAZINI UNGUJA.
NDUGU, WAGENI WAALIKWA, MABIBI NA MABWANA
ASSALAM ALAYKUM,
MHESHIMIWA MGENI RASMI.
AWALI YA YOTE SINA BUDI KUMSHUKURU MANYEZI MUNGU,KWA KUTUJAALIA UZIMA WA AFYA,NA KUTUWEZESHA KUHUDHURIA KATIKA HAFLA HII MUHIMU YA UFUNGUZI WA HOSPITALI HII YA MAHONDA.
KWA HESHIMA SINA BUDI KUMSHUKURU MHESHIMIWA BALOZI SEIF ALI IDDI,MAKAMO WA PILI WA RAIS WA SERIKALI YA MAPINDUZI ZANZIBAR KWA KUKUBALI KUWA PAMOJA NASI KATIKA HAFLA YETU HII.TUNAKUSHUKURU SANA.
MHESHIMIWA MGENI RASMI.
UFUNGUZI WA HOSPITALI HII YA MAHONDA NI USHIRIKIANO BAINA YA DOCTOR MEHTA’S HOSPITAL NA KIWANDA CHA SUKARI MAHONDA.MADHUMUNI YA HOSPITALI HII NI KUTOA HUDUMA BORA ZA MATIBABU KWA WAFANYAKAZI WA KIWANDA CHA SUKARI NA KUSAIDIA WANANCHI WOTE WATAKAOHITAJI HUDUMA ZA AFYA KWA BEI NAFUU.
MHESHIMIWA MAKAMU WA PILI YA RAIS NAPENDA KUSISITIZA KUWA SISI HUDUMA ZETU NI ZA KAWAIDA NA SI ZA KIMATAIFA KAMA TUNAVYOFIKIRIWA TUNATAKA KUONA WANANCHI WOTE WANAWEZA KUMUDU HUDUMA ZETU KAMA ILIVYO HOSPITALI YETU ILIYOKO VUGA KATIKA MJI MKONGWE WA ZANZIBAR AMBAPO HUDUMA ZETU ZINALINGANA NA HAPA TUNATOA HUDUMA ZA X-RAY, ULTRA SOUND, ECG NA HUDUMA ZA MAABARA NA MATIBABU KWA BEI NAFUU BAADA YA MWEZI SITA SISI NATARAJIA KUTOA HUDUMA ZA MENO, FIGO, MACHO NA MAZOEZI YA VIUNGO.
MHESHIMIWA MGENI RASMI.
AIDHA NAPENDA KUMSHUKURU MHESHIMIWA DOCTOR ALI MOHAMED SHEIN RAIS WA ZANZIBAR NA MWENYEKITI WA BARAZA LA MAPINDUZI KWA UMAHIRI NA BUSARA ZAKE ZA KUANZISHA IDARA YA DIASPORA IKULU AMBAYO IMENIFANYA MIMI BINAFSI NIRUDI NYUMBANI KWA LENGO LA KUTOA HUDUMA ZA AFYA KWA WANANCHI WENZANGU WA ZANZIBAR.
KADHALIKA NASHUKURU WATENDAJI WA IDARA YA DIASPORA IKULU HASA NDUGU HASSAN HAFIDHI DIASPORA COORDINATOR KWA USHIRIKIANO WAKE. PIA NAMUOMBEA MALAZI MEMA PEPONI MAREHEMU NDUGU KHAMIS ALI KHAMIS ALIEKUWA MKURUGENZI IDARA YA DIASPORA ALIKUWA NI MTU MWELEDI NA MWENYE USHIRIKIANO. VILEVILE SHUKRANI ZA PEKEE NAMSHUKURU MHESHIMIWA BALOZI MOH’D RAMIA ABDIWAWA MSHAURI WA RAIS MASUALA YA NJE NA USHIRIKIANO WA KIMATAIFA KWA BUSARA NA MAELEKEZO YAKE NA KUWA KARIBU NAMI.
MHESHIMIWA MGENI RASMI.
HOSPITALI HII INATOA HUDUMA ZA MAABARA, DUKA LA DAWA, SEHEMU YA UPASUAJI MDOGO NA CHUMBA CHA MAPUMZIKO KWA WAGONJWA WOTE TAPEWA HUDUMA CHINI YA GARAMA YA SHILINGI ELFU KUMI NA MALENGO YETU YA BAADAYE NI KUFUNGUA HUDUMA KAMA HIZI ENEO LA NUNGWI NA KIWENGWA.
MWISHO MHESHIMIWA MGENI RASMI
KWA MAELEZO HAYA MAFUPI, NAPENDA KUTOA SHUKRANI ZANGU KWA MARA NYENGINE KWA KUKUOMBA UTUFUNGULIE RASMI HOSPITALI YETU HII.
NASHKURU SANA
AHSANTE.