Skuli ya Sekondari ya Kusini iliyopo Makunduchi imepokea msaada wa microscopes 8 zenye thamani ya shillingi millioni nne kutoka Skuli ya Celsius High School iliyopo Uppsala Sweden.
Msaada huo unafuatia ziara ya ujumbe wa Wadi za Makunduchi nchini Sweden mwaka jana. Akipokea msaada huo mwalimu msaadizi wa Skuli ya Kusini, ndugu Mussa Nahodha ameishukuru skuli ya Celsius kwa msada wake ambao amesema utasaidia sana ufundishaji wa somo la biolojia.
Aidha, mwalimu wa sayansi kutoka skuli ya Celsius ndugu Tommy Junemar ameiomba Skuli ya Kusini urafiki wa kubadilishana uzoefu pamoja na walimu na wanafunzi. Wengine katika picha kutoka kushoto ni msaidizi mwalimu mkuu ndugu Mussa Nahodha na mwalimu Mawembe ambao wote ni walimu wa sayansi skulini Kusini.
Habari na picha kutoka kwa ndugu Mohamed Muombwa ambaye yuko Makunduchi kusimamia misaada mbali mbali kutoka Skuli za Sweden.