Na Mwantanga Ame
WAKUU wa Mikoa wamepiga marufuku upigaji disco na mchezo wa kamari katika viwanja vya sikukuu.Mkuu wa Mkoa wa Kaskazini Pemba, Dadi Faki Dadi, alisema vitendo hivyo ni vyanzo vya mambo machafu yanayokwenda kinyume na maadili.
Alisema muda wa watu kubakia katika viwanja vya sikukuu ni saa 4:00 usiku.
Alizitaka taasisi zinazotoa vibali vya burudani katika viwanja vya sikukuu kutambua marufuku hiyo.
Akizungumzia ulinzi katika mkoa huo, alisema tayari wamejiimarisha baada ya kukubaliana na jeshi la polisi kufanya doria kubwa katika siku zote za sikukuu.
Aidha, amewataka wananachi kushirikiana na jeshi hilo la polisi kwa kuhakikisha wanadumisha amani na kiufuata amri hiyo.
Naye, Kamanda wa polisi mkoa wa kaskazini Unguja, Ahmada Khamis, akizungumzia juu ya maandalizi ya sikukuu, alisema wataimarisha doria ili kukabiliana na aina yoyote ya vitendo viovu.
Aliwataka madereva wa magari na vyombo vyengine vya moto chukua tahadhari ili kuepuka kutokea ajali zisizokuwa za lazima.