Na Nafisa Madai
HATIMAE ujenzi wa uwanja wa ndege wa kimataifa wa Zanzibar uliokua umekwama kwa muda mrefu, umeanza kwa kasi huku ujenzi huo ukitarajiwa kukamilika mwishoni mwa mwaka huu.
Akizungumza na waandishi wa habari ofisini kwake Kisauni nje kidogo wa mji wa Zanzibar, Katibu Mkuu Wizara ya Miundombinu na Mawasiliano, Dk. Juma Malik Akil, alisema hitilafu zilizotokea hapo awali tayari zimeshafanyiwa kazi na ujenzi unaendelea .
Alisema mradi huo uliosita miaka miwili iliyopita kwa sababu mbali mbali unaendelea tena chini ya kampuni ya Kichina ya BCEG ikisimamiwa na Mshauri Elekezi Kampuni ya ADPI kutoka Ufaransa.
Alisema juhudi za serikali katika kuwaletea maendeleo wananchi wake ikiwa na pamoja na kuwajengea miundombinu muhimu ambayo itakuwa chachu ya maendeleo ya kiuchumi na kijamii kwa wananchi wa Zanzibar
Alisema lengo la serikali kujenga uwanja huo ni kufikia hadhi ya kimataifa ambayo itaweza kuitangaza Zanzibar
Uwanja huo hadi kumalizika kwake utagharimu dola za Marekani milioni128 ambazo ni mkopo wakutoka benki ya Exim ya China
Mratibu wa mradi huo,Yassir Dicosta, aliwaomba Wazanzibari kutoa hofu kuhusu jengo hilo
Mshauri elekezi kutoka kampuni ya ADPI ya Ufaransa, Jean Mare, alisema kazi yake kubwa ni kuangalia ujenzi huo unavyokwenda.