Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab amekutana kwa mazungumzo na Balozi wa Qatar nchini Mhe. Hussain Ahmad Al – Homaid katika Ofisi Ndogo za Wizara Jijini Dar es Salaam. 

Katika mazungumzo yao, viongozi hao wamejadili masuala mbalimbali hususani ya kuimarisha ushirikiano baina ya Tanzania na Qartar ambapo Balozi Fatma amemhakikishia Balozi wa Qatar kuwa Tanzania itaendelea kushirikiana na Qatar kwenye maeneo mbalimbali ikiwemo viwanda, biashara na uwekezaji.

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab akizungumza na Balozi wa Qatar nchini Mhe. Hussain Ahmad Al – Homaid wakati wa mazungumzo yao yaliyofanyika katika Ofisi Ndogo za Wizara Jijini Dar es Salaam

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab akimsikiliza Balozi wa Qatar nchini Mhe. Hussain Ahmad Al – Homaid wakati wa mazungumzo yao yaliyofanyika katika Ofisi Ndogo za Wizara Jijini Dar es Salaam

Mazungumzo baina ya Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab na Balozi wa Qatar nchini Mhe. Hussain Ahmad Al – Homaid yakiendelea katika Ofisi Ndogo za Wizara Jijini Dar es Salaam

Mazungumzo baina ya Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab na Balozi wa Qatar nchini Mhe. Hussain Ahmad Al – Homaid yakiendelea katika Ofisi Ndogo za Wizara Jijini Dar es Salaam

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab katika picha ya pamoja na Balozi wa Qatar nchini Mhe. Hussain Ahmad Al – Homaid yakiendelea katika Ofisi Ndogo za Wizara Jijini Dar es Salaam

 Na Maulid Yussuf WMJJWW 

Makamu wa Pili wa Rais wa Zanzibar Alhajj Hemed Suleiman Abdulla ametoa kauli hiyo alipojumuika na waumini wa masjid Nurullah Magomeni Wilaya ya Mjini katika Ibada ya sala ya ijumaa.

 Alhajj Hemed ameeleza kuwa Azma ya Serikali ya Mapinduzi ya Zanzibar inayoongozwa na Rais Dkt Hussein Ali Mwinyi ni kuijenga Zanzibar yenye Maendeleo na kuwataka Wananchi kuwa Mstari wa mbele katika kuhakikisha Zanzibar inafikia maendeleo hayo.

Ameeleza kuwa tayari miradui mbali mbali ya mendeleo imeanza kuzinduliwa na mengine inaendelea kwa hatua mbali mbali ya kukamilika ambapo kutazalikafursa za ajira kwa vijana wenye fani mbali mbali ili kupunguza changamoto ya ajira Nchini.

Sambamba na hayo Makamu wa Pili wa Rais wa Zanzibar amewaeleza waumini hao kuishauri serikali kwa mambo mazuri na kukemea tabia ya baadhi kubeza yanayofanywa na serikali ya Mapinduzi ya Zanzibar .

 Kuhusu suala la utunzaji wa Amani ambayo ndio kinga ya nchi yetu Alhaji Hemed amesema kuwa ni wajibu wa kila mmoja kuilinda hatua ambayo itasaidia kwa kiasi kikubwa kuondosha matendo maovu ikiwemo udhalilishaji na madawa ya kulenya ambayo yamekuwa ni majanga makubwa nchini.

 Aidha Makamu wa Pili wa Rais wa Zanzibar amesema jamii ya sasa ni ya kutegemeana hivyo ni Vyema kuwasaidia wanaohitaji jambo ambalo litaongeza umoja, Mshikamano na Upendo katika Jamii.

Akitoa Khutba katika Sala hiyo Shekh Abdallah Hassan Ali amewakumbusha Waumini hao kutumia vyema mwezi huu Mtukufu wa Shaaban kwa kufanya matendo mema kama alivyokuwa Kiongozi wa umma huu Mtume Muhammad (S.A.W).

Amesema miongoni mwa sifa za Waumini ni kujipamba na tabia njema pamoja na kujikita katika Ibada hasa kuomba msamaha kwa Mola Mtukufu kwa yote waliyokosea.

NA IS-HAKA OMAR,ZANZIBAR.

CHAMA Cha Mapinduzi (CCM) Zanzibar kimesema hakitowavulia baadhi ya watu wanaokwepa kulipa kodi kwa makusudi na kuisababishia hasara kubwa serikali.

Kauli hiyo imetolewa na Katibu wa Kamati Maalum ya NEC,Idara ya Itikadi na Uenezi CCM Zanzibar Ndg.Khamis Mbeto Khamis katika mahojiano maalum huko Afisi Kuu ya CCM Kisiwandui Jijini Zanzibar.

Amesema kila mwananchi ana jukumu la kupinga vitendo vya ukwepaji wa kodi kwani ni hujuma,usaliti na jinai katika maendeleo na ustawi wa uchumi wa nchi.

Mbeto, alieleza kuwa madhara ya vitendo hivyo ni makubwa kwani yanaikosesha serikakali fedha nyingi ambazo zingetumika katika kutatua kero na changamoto za wananchi.

“ CCM ikiwa ndio msimamizi mkuu wa Ilani ya Uchaguzi ya CCM ya mwaka 2020/2025 lazima tukemee vikali baadhi ya tabia ya ukwepaji wa kodi kwa baadhi ya wafanyabishara na wawekezaji.

Fedha hizi zingetumika kujenga hospitali,maskuli,maji safi na salama na huduma za barabara za kiwango cha lami na huduma zingine muhimu za kijamii.”,.alifafanua Mbeto.

Katika maelezo yake Katibu huyo Mbeto, alisema Rais wa Zanzibar na Mwenyekiti wa Baraza la Mapinduzi Dk.Hussein Mwinyi, anafanya kazi kubwa ya kuleta maendeleo endelevu lakini kuna baadhi ya watu wachache wanakwamisha juhudi hizo kupitia vitendo vya ukwepaji wa kodi.

Pamoja na hayo alizitaka taasisi zinazohusika na usimamizi wa masuala ya kodi nchini zikiwemo ZRA,TRA na manispaa  pamoja na vyombo vya ulinzi na usalama kuhakikisha wanachukua hatua kali kwa yeyote anayehusika na vitendo hivyo bila kujali cheo,dini,kabila na itikadi ya kisiasa.

Sambamba na hayo aliwasihi wafanyabishara nchini  kuwa hakuna haki bila wajibu hivyo ukusanyaji wa kodi ni lazima, kwani ikilipwa wanaijengea serikali uwezo wa kutoa huduma stahiki kwa wananchi.

Alisema serikali zote mbili ya Zanzibar nay a Jamhuri ya muungano wa Tanzania zimetoa fursa kwa wananchi kufuata taratibu za kisheria pale wanapoamua kufanya biashara.

Alifafanua kuwa Ibara ya 47 hadi 49 za Ilani ya CCM ya mwaka 2020/2025 imeeleza kuwa CCM inatambua kuwa biashara ni kichocheo cha maendeleo ya viwanda na sekta nyingine za kijamii.

Alisema katika Ilani hiyo ya CCM imeelekeza namna ya serikali itakavyokuza uchumi wa nchi kupitia sekta za biashara na uwekezaji sambamba na kudhibiti mianya ya ukwepaji wa kodi.

Kupitia mahojiamo hayo Mbeto, alitoa wito kwa wananchi kuepuka kujihusisha na vitendo vya uhalifu wa kukwepa kulipa kodi huku wakiendelea kuwa wazalendo,wachapakazi na waadilifu.

Aidha, akizungumzia changamoto ya mfumuko wa bei kwa Zanzibar alisema ulikuwa asilimia 7.8 na asilimia 8.1 kwa mwezi Novemba na Desemba 2022, ukilinganishwa na lengo la asilimia 5 ambapo mfumuko huo ulikuwa mdogo kuliko nchi nyingi wanachama wa EAC na SADC kutokana na hatua zilizochukuliwa na Serikali katika kupunguza athari za ongezeko la bei za bidhaa na huduma kutoka nje ya nchi .

Katika hatua nyingine Mbeto, amefafanua kuwa Serikali ya awamu ya nane chini ya uongozi wa Rais wa Zanzibar Dk.Hussein Mwinyi inaendelea kuchukua hatua mbalimbali katika kuthibiti suala la mfumuko wa bei kwa kuhakikisha nchi inakuwa na chakula cha kutosha.

Na. Ramadhani Kissimba – Bujumbura Burundi

Waziri wa Fedha na Mipango, Mhe. Dkt. Mwigulu Lameck Nchemba (Mb), ameitaka Benki ya CRDB kuharakisha matumizi ya mfumo wa malipo ya Serikali kwa njia ya kieletroniki (GePG) ili kuongeza na kuharakisha shughuli za kiuchumi kati ya Tanzania na Burundi.

Mhe. Dkt. Nchemba alitoa maagizo hayo alipotembelea na kufanya kikao na  Menejimenti ya Benki hiyo mjini Bujumbura nchini Burundi, ambako Benki hiyo inatoa huduma za kibenki kwa miaka kumi sasa.

Mhe. Nchemba alisema kwamba amefarijika kusikia mchakato wa kuanza kwa matumizi ya ‘’control number’’ kwa ajili ya malipo ya ushuru kwa Mamlaka ya Mapato Tanzania (TRA) na uondoshaji mizigo katika Bandari ya Dar es Salaam upo katika hatua za mwisho.

Alisema kuwa kukamilika kwa matumizi ya mfumo huo wa malipo ya Serikali kwa njia ya kieletroniki kutasaidia kupunguza usumbufu na hasara wanayopata wanafanyabiashara wa Burundi wanapotaka kulipia mizigo yao inayopita katika Bandari za Tanzania.

‘’Nimefarijika sana niliposikia hilo la ‘contorl number’ kuwa litafanyika huku huku Burundi kwa sababu litawezesha na kuharakisha shughuli za kiuchumi na hicho ndicho kitu kikubwa ambacho Viongozi wetu wamekuwa wakikitaka na kukitamani kifanyike haraka’’ alisema Mhe. Dkt. Nchemba.

Aliongeza kuwa Rais wa Jamhuri ya Muungano wa Tanzania, Mhe. Dkt. Samia Suluhu Hassan na Rais wa Burundi Mhe. Evariste Ndayishimiye wamekuwa wakihimiza urahisishaji wa ufanyaji biashara kati ya nchi hizi mbili, hivyo ni vema matumizi ya ‘control number’ yakaanza haraka ili kurahisisha ukuaji wa uchumi wa pande zote mbili.

Kwa upande wake, Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Lawrence Tax ambaye aliongozana na Mhe. Dkt. Nchemba kwenye ziara hiyo, aliipongeza Benki hiyo kwa hatua waliyoichukua ya kutoa huduma za kibenki nje ya Tanzania jambo ambalo linaitangaza Tanzania na kurahisisha ufanyaji wa biashara kwa Watanzania wanaokuja Burundi na Warundi wanaofanya biashara na Tanzania.

Mhe. Dkt. Tax ameisihi benki hiyo kupanua huduma zao ili zienee kote nchini Burundi na kuvuka mipaka hadi katika nchi ya Jirani ya Jamhuri ya Kidemokrasia ya Kongo na si kuishia katika jiji la Bujumbura pekee.

Awali akizungumza katika Mkutano huo Meneja wa Benki ya CRDB nchini Burundi  Bw. Fredrick Siwale, alisema kuwa pamoja na kufanya shughuli za Kibenki nchini Burundi pia wamekuwa wakifanya siasa ya Kidiplomasia ya Uchumi ili kuwavutia wawekezaji kutoka Burundi kwenda kuwekeza nchini Tanzania na pia kuwahimiza Watanzania kuangalia fursa za uwekezaji zinazopatikana nchini Burundi.

Bw. Siwale alisema kwamba katika kutekeleza suala zima la uwekezaji nchini Tanzania wamekuwa wakiwapatia mikopo baadhi ya wafanyabiashara wakubwa wa Burundi ili kutumia mikopo hiyo kuwekeza nchini Tanzania ambapo wafanya biashara hao wamewekeza kwa kujenga kiwanda cha Mbolea Jijini Dodoma, kiwanda cha kutengeneza saruji mjini Kigoma na ujenzi wa hotel ya kitalii mjini Tanga.

Mhe. Dkt. Nchemba na ujumbe huo pia walipata fursa ya kutembelea ofisi ya Shirika la Ndege Tanzania (ATC) na Mamlaka ya Bandari Tanzania (TPA) zilizopo nchini Burundi.

Katika ziara hiyo Mhe. Dkt. Nchemba aliambatana na Waziri wa Mambo ya Nje na Ushirikiano wa Afrika Mashariki Mhe. Dkt Stergomena Lawrence Tax, Naibu Waziri wa Wizara ya Ujenzi na Uchukuzi – Sekta ya Ujenzi Mhe. Mha. Godfrey M. Kasekenya, Naibu Waziri wa Katiba na Sheria Mhe. Geoffrey Mizengo Pinda na Balozi wa Tanzania nchini Burundi Mhe. Dkt. Jilly Maleko.

Mhe. Dkt. Nchemba na baadhi ya Mawaziri kutoka Tanzania wapo nchini Burundi kuhudhuria Mkutano wa Kawaida wa 43 wa Baraza la Mawaziri la Jumuiya ya Afrika Mashariki (EAC), ambapo katika Mkutano huo agenda mbalimbali zinatarajiwa kujadiliwa kuhusu mtangamano wa Jumuiya hiyo.

Na. Ramadhani Kissimba, Bujumbura -Burundi

WAZIRI MKUU Kassim Majaliwa amesema Serikali itaendelea kushirikiana kikamilifu na Sekta Binafsi katika utoaji elimu ya ufundi na mafunzo ya ufundi stadi ili kuzalisha wataalamu wenye ujuzi wa kutosha unaohitajika katika sekta mbalimbali.

Makamu wa Pili wa Rais wa Zanzibar, Mhe. Hemed Suleiman Abdulla  amefika kumjulia hali aliekuwa Mwakilishi  wa Jimbo la Uzini Mhe. Mohammed Raza Hassanali, huko Nyumbani kwake Ali Abbas Tower Mtaa wa Jamhuri  Jijini Dar es Salaam.

Naibu Waziri Ofisi ya Makamu wa Rais (Muungano na Mazingira) Khamis Hamza Khamis akipanda mti katika viwanja vya Chuo Kikuu cha Mtakatifu Agustino (SAUT) kilichopo Wilaya ya Nyamagana jijini Mwanza wakati wa uzinduzi wa kampeni ya “Soma na Mti” iliyofanyika chuoni hapo jana.

Mkuu wa Wilaya ya Nyamagana Mkoa wa Mwanza, Amina Makilagi akipanda mti katika viwanja vya Chuo Kikuu cha Mtakatifu Agustino (SAUT) kilichopo Wilaya ya Nyamagana mkoani Mwanza wakati wa uzinduzi wa kampeni ya “Soma na Mti” iliyofanyika chuoni jana.

Naibu Waziri Ofisi ya Makamu wa Rais (Muungano na Mazingira) Mhe. Khamis Hamza Khamis akiwa katika picha ya pamoja na viongozi wa Serikali ya Wanafunzi katika Chuo Kikuu cha Mtakatifu Agustino (SAUT) jijini Mwanza mara baada ya kushiriki zoezi la upandaji miti wakati wa uzinduzi wa Kampeni ya “Soma na Mti” iliyozinduliwa jana.

Naibu Waziri Ofisi ya Makamu wa Rais (Muungano na Mazingira) Mhe. Khamis Hamza Khamis ametoa rai kwa wizara na taasisi katika sekta za umma na binafsi kutumia nishati mbadala ili kupunguza ukataji wa miti kwa ajili ya matumizi ya kuni na mkaa

Mhe. Khamis amesema hayo Februari 25, 2023 wakati wa uzinduzi wa kampeni ya ‘Soma na Mti’ katika Chuo Kikuu cha Mtakatifu Agustino jijini Mwanza ikiwa ni sehemu ya kuhamasisha upandaji miti na utunzaji wa mazingira katika taasisi za elimu ya juu nchini.

Amesema zoezi la upandaji katika maeneo mbalimbali nchini ni ajenda ya kitaifa inayoongozwa na viongozi wa kitaifa akiwemo Mhe. Rais Dkt. Samia Suluhu Hassan, Makamu wa Rais Mhe.Dkt Philip Mpango na Waziri Mkuu Mhe. Kassim Majaliwa na hivyo kuzitaka taasisi za umma na binafsi kuunga mkono juhudi hizo.

“Tupo hapa kutekeleza mpango wa Serikali juu ya utunzaji wa mazingira ikiwa ni muendelezo wa juhudi zilizoanzishwa na viongozi wetu wakuu wa kitaifa. Nitoe rai kwa viongozi wa ngazi zote kuhakikisha tunasimamia maelekezo ya Serikali ya kuzuia ukataji miti, tuanze kutumia nishati mbadala kama gesi kwa ajili ya kupikia kama anavyosisitiza Rais wetu,” amesema Mhe. Khamis

Aidha naibu waziri huyo ametoa maagizo kwa wakurugenzi wa halmashauri zote nchini kuhakikisha kuwa wanasimamia na kuendeleza kampeni hiyo kwa kuhakikisha kila shule na kila mwanafunzi anakuwa na mti wake na kuhimiza utamaduni wa kila Kaya kupanda miti na kila mtu anayenunua eneo kuhakikisha amepanda miti katika eneo lake.

Kwa upande wake Mkuu wa Wilaya ya Nyamagana, Mhe. Amina Makilagi amesema suala mazingira ni moja ya kipaumbele vya msingi kinachotekelezwa na taasisi zote za umma na binafsi zilizopo katika Wilaya hiyo na kukusudia kulifanya Jiji la Mwanza kuendelea kuwa Jiji la kijani.

“Katika Wilaya ya Nyamagana kila mradi unaotekelezwa unafungamanishwa na mazingira na kila tukio tunapanda miti na hivi karibuni taasisi zetu za TFS, Gereza la Butimba na wadau wengine tulipanda zaidi ya miti 7000 katika vyanzo mbalimbali vya maji ikiwa ni utekelezaji wa agizo la Mhe. Makamu wa Rais,” amesisitiza Makilagi.

Ameongeza kuwa kupitia kampeni ya “Soma na Mti” wilaya hiyo imejipanga kimkakati katika kuhakikisha kuwa inafikia lengo la kupanda miti 1,500,000 kwa kushirikisha shule za msingi, sekondari na taasisi za elimu ya juu na kuhakikisha inarejesha hadhi ya Jiji la Mwanza kuwa kinara wa usafi wa mazingira nchini.

Naye Balozi wa Mazingira Nestory Mushi amesema kupitia taasisi yake ya Mweka Site wamefanikiwa kuotesha miti zaidi ya 358,000 na miti hiyo inatarajia kupandwa katika Mikoa yote inayokabiliwa na hali ya ukame. 

Taasisi yetu inahamisha jamii katika shughuli zote za usafi wa mazingira ikiwemo upandaji miti na usafi wa fukwe mbalimbali. Tunafundisha wanafunzi wa ngazi mbalimbali ikiwemo shule za msingi, sekondari na vyuo vikuu kuhusu vitalu vya miti, miradi ya samaki na utunzaji mazingira” amesema Mushi.

Mwakilishi wa Wakala wa Huduma za Misitu Tanzania (TFS), Alex Julius amesema katika kuunga mkono juhudi za Serikali kuhamasisha utunzaji wa mazingira ikiwemo upandaji, TFS imeanzisha kitalu cha miti ya matunda na vivuli ambapo kati ya Julai 2022 hadi Februari 2023, TFS imefanikiwa kuzalisha miche ya miti 67,310.

Wakati wa kuzalisha miche hii tunazingatia masuala mbalimbali ikiwemo miche inayokuwa haraka, miche inayohifandhi maji, miche inayozuia mmomonyoko wa udongo na kuanzia mwezi Julai 2022 hadi Februari 2023 miche ya miti 32,970 imegawiwa bure katika taasisi mbalimbali” amesema Julius.

Kampeni ya “Soma na Mti” ilizindiliwa na Ofisi ya Makamu wa Rais mwaka 2022 ikiwa imelenga kuhamasisha wanafunzi wa shule za msingi, sekondari na vyuo vikuu kuona zoezi la upandaji miti kuwa sehemu muhimu ya maisha ili kukabiliana na changamoto za mabadiliko ya tabianchi.

Na Khadija Khamis –Maelezo Zanzibar 26/02/2023/

Ugonjwa la Kisukari ni miongoni mwa Magonjwa yanayoathiri jamii kwa kiwango kikubwa na yamekuwa yakiongezeka kwa kasi hapa nchini na hupelekea vifo na ulemavu wa viungo 

Akifungua Mkutano Mkuu wa Jumuiya ya Watu Wanaishi na Kisukari  Zanzibar huko katika ukumbi wa Skuli ya Ben-Bella Katibu Mkuu Wizara ya Maji Nishati na Madini  Joseph Kilangi kwa Niaba ya Naibu Wazara wa Maji Nishati na Madini Shaaban Ali Othman amesema

mwaka 2019 watu milioni kumi na tisa Barani Afrika wanaishi na ugonjwa wa kisukari kati ya umri wa miaka 20 hadi 70 ambapo kwa hapa Zanzibar ripoti  inaonyesha kuwa watu 4 kati ya watu mia 100 huugua ugonjwa huo .

Amesema ongezeko hilo linaendelea kukuwa siku hadi siku jambo ambalo huko nyuma halikuwepo na limekuwa  ni changamoto katika taifa  kutokana na kuutwika mzigo mkubwa Seriikali.

Aidha amefahamisha kuwa kundi la watu wanaishi na kisukari liko katika hatari zaidi kwa kushambuliwa na maradhi mengine hivyo ameitaka jamii kuzingatia lishe bora,  kufanya mazoezi kuachana na tabia za matumizi ya pombe ya kupitiliza na sigara pamoja na kujiepusha na msongo wa mawazo ambayo hupelekea kupata ugonjwa huo.

Alifahamisha kuwa elimu bado inahitajika kwa jamii ya kupambana na vichocheo vya maradhi hayo pamoja na kuwa na utamaduni wa kupima afya mara kwa mara ili kuipunguzia mzigo mkubwa serikali kutibu ugonjwa huo kwa kutumia fedha nyingi kwa matibabu fedha ambazo zingelitumika kwa mambo mengine

Nao Katibu wa Jumuia ya Watu Wanaishi na Kisukari Zanzibar (DAZ) Omar  Abdalla Ali na  Mjumbe wa Bodi ya Watu Wanaishi na Kisukari Dk Faiza Kassim wamesema Serikali ni vyema kuzidi kupambana na suala la dawa na shindano kwa wanaoishi na kisukari.

Aidha wamesema kuwa ni vyema kwa jamii kujikinga na visababishi vya maradhi hayo na kuwataka kufanya uchunguzi wa mara kwa mara ili kuweza kujigundua mapema na kupata huduma stahiki

Mapema akisoma Risala ya Jumuiya wa Watu Wanaishi na Kisukari Zanzibar(DAZ) ambae ni Mwenyekiti wa Vijana wa  Jumuia ya Watu Wanaishi na Kisukari Bi Nunuu Kheir Saleh  amesema ugonjwa wa kisukari unawapata hasa watu wazima, wajawazito na watoto ambapo kisukari cha utotoni imeonekana kuongezeka na kushika kasi na husababisha madhara na mzigo mkubwa kiuchumi kwa serikali na watu binafsi.

amesema miongoni mwa dalili kubwa za ungonjwa huo ni kunywa maji mengi kuliko kawaida na kusikia kiu kila wakati, kwenda haja ndogo mara kwa mara, kusikia njaa kila wakati, kupata ganzi hasa sehemu ya miguu viganja vya mikono na vidole, pamoja na vidonda vya miguu vinavochelewa kupona.

Nae Mwanachama Omar Ahmada Ali ameiyomba  Jumuiya hiyo kuwapa msaada wa mahitaji ya lazima   kwa wale wanachama mwenye hali ngumu za maisha

Akitoa neno la shukrani Mrajis wa Jumuiya zisizo za kiserikali Bw Ahmed Gharib Abdalla ameipongeza jumuia hiyo kwa kufanya kazi za kupambana na ugonjwa wa kisukari pamoja na kutoa elimu kwa  jamii .

Amesema kuwa ni vyema kwa Jumuiya zinazoanzishwa ziwe na malengo ya kuisaidia serikali ili kuipunguzia mzigo na  lengo liweze kufanikiwa  

NA IS-HAKA OMAR,ZANZIBAR.

Na.Rahma Khamis Maelezo        26/2/2023

NA IS-HAKA OMAR,ZANZIBAR.

KATIBU wa Kamati Maalum ya NEC,Idara ya Mambo ya Siasa na Uhusiano wa Kimataifa CCM Zanzibar(SUKI) Khadija Ali Salum,amewasihi wananchi kuendeleza utamaduni wa kutembelea maktaba mbalimbali nchini ili kujifunza na kusoma vitabu ,machapisho,nyaraka na taarifa zitakazowaongezea maarifa na uelewa yakinifu.

Wito huo ameutoa katika ziara yake ya kutembelea Maktaba Kuu ya Zanzibar iliyopo mtaa wa Maisara Unguja.

Alisema wananchi wanatakiwa kuwa na utamaduni wa kusoma vitabu na machapisho mbalimbali ili wawe na uelewa juu ya mambo tofauti yanayohusu Zanzibar, Tanzania bara,Afrika na duniani kwa ujumla.

Katika maelezo yake Katibu huyo wa SUKI Khadija,alieleza kuwa Maktaba Kuu ya Zanzibar imehifadhi nyaraka,machapisho na vitabu mbalimbali vinavyosaidia kuwajengea uwezo wa kitaaluma wanafunzi wa ngazi mbalimbali za kitaaluma na kwamba wananchi nao wanatakiwa kuchangamkia fursa hiyo.

Kupitia ziara hiyo Khadija, aliahidi kuwa Chama Cha Mapinduzi kitatafuta ufumbuzi wa baadhi ya changamoto za kiutendaji zinazoikabili taasisi hiyo ambayo ni chimbuko la kuhifadhi nyaraka muhimu za kitaaluma.

Alieleza kuwa licha ya kuwepo na changamoto za kiutendaji wafanyakazi wa taasisi hiyo wanatakiwa kufanya kazi kwa bidii ili waende sambamba na kasi ya utendaji wa Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi.

Pamoja na hayo alisema lengo la ziara hiyo ni kufuatia maazimio ya kikao cha kufuatilia utekelezaji wa Ilani ya CCM ya mwaka 2020/2025 kilichofanyika februari 20,mwaka 2023 hapo Afisi kuu ya CCM Kisiwandui Zanzibar.

Alisema kuwa pamoja na majukumu yanayoikabili taasisi hiyo wanatakiwa kuongeza juhudi katika kutekeleza kwa ufanisi majukumu ya maktaba kuu yaliyoainishwa katika Ilani ya Uchaguzi ya CCM.

“Maana halisi ya maktaba ni sehemu ya jengo lenye nyaraka au machapisho ya kujifunza na kujisomea hivyo kwa maana hiyo kila mwananchi ana wajibu wa kujiongezea maarifa kupitia maktaba hiyo.”alisema Khadija.

Naye Mkurugenzi wa Maktaba Kuu Zanzibar Mkurugenzi wa huduma za Maktaba Zanzibar Dkt. Ulfat Abdul-aziz Ibrahim, amesema wanatoa huduma mbalimbali za kuwasaidia wanafunzi na wananchi kwa ujumla kupata vitabu ili wajifunze na kupata taaluma,elimu na maarifa juu ya mambo mbalimbali yaliyowazunguka.

Alisema kupitia taasisi hiyo inayofanya kazi zake Unguja na Pemba wanahifadhi vitabu mbalimbali vikiwemo vya maalum za uchumi,sayanzi,maarifa ya jamii,diplomasia na ujasiriamali na mambo mengine yanayohusu viumbe hai na visivyo hai.

Alizitaja changamoto zinazowakabili katika maktaba hiyo kuwa ni pamoja na udogo wa jengo la maktaba hiyo pamoja na ukosefu wa vifaa vya huduma za Teknolojia ya Habari na Mawasiliano(TEHAMA).

Dkt.Ulfat, alizitaja changamoto nyingine kuwa ni upungufu wa huduma ya mtandao ‘Internet’, upungufu wa wakutubi na ukosefu wa usafiri kwa watendaji wa taasisi hiyo hasa wakati wanapokuwa na majukumu ya nje ya ofisi hiyo.

Kupitia ziara hiyo Mkurugenzi huyo alisema kwa sasa taasisi hiyo inatakiwa kwenda sambamba na mabadiliko ya sayansi na teknolojia kwa kuhakikisha huduma za maktaba zinatolewa katika mfumo wa kisasa.

“Tunatoa huduma bora na rafiki kwa wateja wetu na wananchi kwa ujumla hivyo wananchi,wageni na wanafunzi wa ngazi tofauti milango yetu ipo wazi tunawakaribisha waje kujiongezea maarifa,elimu,taaluma na uelewa”. Alisema Mkurugenzi huyo.

Mkurugenzi huyo alifafanua kuwa baada ya Waziri wa Elimu Tanzania bara kupiga marufuku baadhi ya vitabu visivyozingatia maadili na kwa upande wa Zanzibar katika maktaba hiyo walifanya uchunguzi na kubaini uwepo wa baadhi ya vitabu hivyo na kuhakikisha wanaviondoka katika mfumo na taratibu za huduma ya usomaji.