Na Mwandishi wetu, Mtwara
WAZIRI Mkuu, Mizengo Pinda amepokea shehena ya kwanza ya mabomba ya gesi ya Mtwara kutoka nchini China.
Mapokezi hayo ambayo yaliwashirikisha wananchi na viongozi mbali mbali, yalifanyika katika bandari ya Mtwara ambako ndiko meli kubwa ya Kichina ilipotia nanga.
Kuwasili maboma hayo kunatoa nafasi ya kuanza kazi ya ujenzi wa bomba la kusafirisha gesi kutoka Mtwara kwenda Dar es Salaam.
Mabomba hayo zaidi ya 4,000 yatasafirishwa kwa magari kwenda Kiranjeranje Lindi kwa ajili ya ujenzi wa bomba hilo.
Mabomba hayo yaliwasili hivi karibuni katika bandari ya Dar es Salaam na kupokelewa na Waziri Mkuu, kabla ya kuanza safari ya kupelekwa Mtwara.
Ulinzi uliimarishwa wakati zoezi hilo likifanyika katika mji huo ambao hivi karibuni ulishuhudia machafuko hali iliyosababisha polisi na wanajeshi kuingilia kati.