Habiba Zarali, PEMBA .
Wananchi Wilaya ya Mkoani kisiwani Pemba wameshajiishwa kujifunza kompyuta, ili kwenda sambamba na kasi ya mabadiliko ya teknolojia Ulimwenguni.
“Kompyuta ndio roho ya elimu inawezesha kufanya kila jambo,”alisisitiza.
Hata hivyo aliwataka wazazi kutowa mashirikiano ya dhati, ili kuhakikisha kituo hicho kinaendelea,sambamba na kuwataka wahitimu hao kuutumia vyema utaalamu waloupata, ili waweze kuleta maendeleo kwao na nchi kwa ujumla. Kwa upande wake Mkuu wa taaluma skuli ya Sekondari Uweleni maalim Mohammed Ussi aliwataka wananchi wa Mkoani kuunganisha nguvu zao za pamoja, ili kukamilisha ujenzi wa jengo jipya ambalo litakuwa na nafasi kubwa zaidi ya kutoa mafunzo hayo. Nae mwalimu wa mafunzo hayo kwa niaba ya walimu wenzake alisema kituo hicho kilianza kutowa mafunzo hayo mnamo mwaka 2006 kwa wanafunzi wa kidato cha sita na waalimu wazalendo ambapo sasa ndio wanaoekiendeleza kituo hicho,ambapo alisema mwaka 2008 kituo kilitowa huduma kwa wananchi wa wilaya nzima
“Kama tulivyounganisha nguvu zetu za pamoja na tukakamilisha jengo hili la ghorofa, basi pia tunaweza kulimaliza jengo letu tulilolianzisha na kuweza kutowa nafasi kubwa zaidi.
Aidha aliwaasa wanafunzi wa kidato cha sita skulini hapo kuitumia fursa hiyo kwa kujisomea bure ,jambo ambalo kwao ni la faraja katika masomo yao