Na Ali Cheupe
BARAZA la vyama vya michezo kwa nchi za Afrika Mashariki na Kati CECAFA limewateuwa waamuzi wawili wenye beji za FIFA kutoka Zanzibar kuelekea nchini Sudan kwenye michuano mipya ya Nile Basin itakayoanza Mei 22 nchini humo.
Kwa mujibu wa taarifa kutoka kamati ya waamuzi Zanzibar ni kuwa katibu wa CECAFA Nicolus Musonye amewasiliana kwa njia ya simu na mjumbe wa kamati tendaji ya ZFA Masoud Attai na kumpa taarifa hiyo.
Msemaji wa kamati hiyo ya Waamuzi Issa Ahmada Hija amethibitisha kupokea taarifa hiyo na kusema kuwa kamati yake imeipokea kwa mikono miwili na hii ni kuonyesha kuwa CECAFA inatambua kuwepo kwa waamuzi hao.
Mgaza Kinduli ni mwamuzi pekee wa pembeni mwenye beji ya FIFA kutoka kwenye vikosi vya ulinzi na usalama vya Serikali ya Mapinduzi Zanzibar(SMZ) akitokea JKU na mwaka 2012 alishiriki michuano ya Challenji iliyofanyika nchini Uganda.