Na Khamisuu Abdallah
Chama cha Walimu Zanzibar (ZATU) kimeipongeza serikali kwa kuweka muundo mzuri wa utumishi ambao umeonesha matumaini mema kwa walimu.
Akizungumza na vyombo vya habari, Katibu Mkuu wa chama hicho, Mussa Omar Tafurwa, alisema muundo huo umeridhiwa na walimu.
Alisema pamoja na kuuridhika na muundo huo lakini wasiwasi wao upo katika utekelezaji hasa kwa walimu waliofanya kazi miaka mingi.
Alisema ni vyema kuangaliwa vigezo sahihi vya upandaji wa madaraja ili kuwepo usawa.
Alisema mwalimu yeyote atakaepata barua hiyo aiwasilishe katika chama chao ili apate msaada.huo wa utumishi.
Akizungumzia siku ya walimu duniani, alisema kwa mwaka huu maadhimisho ya siku hiyo yalishindwa kufanyika kutokana na kuingiliana na skukuu ya Eid al Hajj.
Alisema kwa sasa walimu wameanza kuadhimisha siku hiyo katika wilaya kwa kufanya mambo ya kijamii ikiwemo usafi wa mazingira na makongamano ambapo kwa wilaya ya mjini yatafanyika wiki ijayo.
Alisema chama chao kimekubaliana sherehe hizo zitakuwa zikifanyika kitaifa kila baada ya miaka mitatu ili kuwapa fursa walimu wote kushiriki kikamilifu.